İngiltərənin “Çelsi” klubu futbol üzrə klublararası dünya çempionatının qalibi olub.
YALAN.info Onlayn Xəbərər və İnformasiya Saytı bildirir ki, “zadəganlar” Birləşmiş Ərəb Əmirliklərinin paytaxtı Əbu-Dabidəki “Məhəmməd bin Zayed” stadionunda keçirilmiş final oyununda Braziliya “Palmeyras”ını 2:1 udub.
İlk qolu 55-ci dəqiqədə “Çelsi”nin hücumçusu Romelu Lukaku vurub. 64-cü dəqiqədə Rafael Veyqa penalti ilə bərabərliyi təmin edib. Qarşılaşmanın əsas vaxtı 1:1 hesablı heç-heçə ilə sona çatıb.
117-ci dəqiqədə isə Kay Haverts penaltini dəqiq yerinə yetirib və Çempionlar Liqasının finalında olduğu kimi yenə qələbə topunun müəllifi olub. 120+6-cı dəqiqədə Luan qırmızı vərəqə alaraq, “Palmeyras”ı azlıqda qoyub.
Beləliklə, “Çelsi” tarixində ilk dəfə klublar arasında dünya çempionluğu əldə edib.