Uelsdə minlərlə insan küçələrə çıxaraq Britaniyadan ayrılmağı tələb edib.
YALAN.info bildirir ki, mitinq Uelsin paytaxtı Kardiff şəhərində baş tutub.
Aksiya iştirakçıları müstəqillik üçün plakatlar və bayraqlarla şəhəri gəziblər. Özəlliklə də “Taxt Oyunları” serialının prikveli “Əjdahalar evi” filmində rol alan britaniyalı aktyor Culian Lyuis Cons etirazçılar arasında görüntülənib. O, çıxış edərək nümayişçilərə müraciət edib.
Onu da yada salaq ki, oxşar aksiya hələ iyul ayında Uelsin şimalında, Rekshem şəhərində baş verib. Orada səkkiz minə yaxın insan iştirak edib.
