“İrəvan Türkiyə ilə ikitərəfli münasibətlərin normallaşdırılması imkanlarına dair daha məzmunlu müzakirələr gözləyir”.
YALAN.info Onlayn Xəbərlər və İnformasiya Saytı bildirir ki, bunu Ermənistanın Türkiyə üzrə xüsusi nümayəndəsi Ruben Rubinyan deyib.
“İrəvan növbəti görüşdə Ankara ilə daha məzmunlu danışıqların olacağını gözləyir. Əgər gündəm kifayət qədər ciddi və məzmunlu olarsa, o zaman müxtəlif görüşlər, ya da onların keçirilməsi formatları haqqında düşünə bilərik. Ancaq məncə bu mövzu haqqında danışmaq tezdir”, – R.Rubinyan “Azadlıq” radiosuna müsahibəsində bildirib.
Onun sözlərinə görə, rəsmi İrəvan substantiv danışıqların aparılmasında maraqlıdır: “Əsl problem, ilk növbədə, sərhədlərin açılmasıdır. İkincisi, diplomatik münasibətlərin qurulması. Biz mümkün olan hər şeyi edirik”.
