12 il sonra İngiltərənin “Mançester Yunayted” klubuna qayıdan portuqaliyalı ulduz futbolçu Kriştiano Ronaldo (Cristiano Ronaldo) debüt oyununda iki qol vurub.
YALAN.info Onlayn Xəbərlər və İnformasiya Saytı bildirir ki, İngiltərə Premyer Liqasının dördüncü turunda evdə “Nyukasl”ı qəbul edən “qırmızı şeytanlar” 4:1 hesablı qələbə qazanıblar.
Ronaldo birinci qolunu ilk yarıya artırılmış dəqiqədə vurub. Ulduz futbolçu növbəti dəfə oyunun 62-ci dəqiqəsində fərqlənərək komandasını irəli çıxarıb.
Bu qələbə ilə xallarını 10-a yüksəldən “ Mançester Yunayted ” turnir cədvəlinin birinci pilləsində qərarlaşıb.
