Tanınmış amerikalı aktyor Conni Deppi (Johnny Depp) məişət zorakılığında ittiham edən keçmiş həyat yoldaşı, aktrisa Ember Hördün (Amber Heard) yalanı üzə çıxıb.
“Daily Mail” dərgisinin məlumatına görə, aktrisanın şikayətindən sonra cütlüyün Los-Ancelesdəki evinə gedən polis əməkdaşları mənzildə və Hördün üzərində hər hansı bir zorakılıq əlaməti olmadığını bildiriblər.
Polislərin döş nişanlarındakı kameraların görüntüləri də onların dediklərini təsdiq edib.
Qeyd edək ki, ötən il Ember Hörd “The Sun” dərgisinə Conni Depplə birgə ailə həyatı zamanı 14 məişət zorakılığı olayının yaşandığını bildirib. Aktyor tabloidi məhkəməyə versə də, uduzub. Məhkəmə aktrisanın ifadələrinə inanıb. İndi isə onların yalan olduğu və Deppin şərləndiyi üzə çıxıb.
