İsrail Müdafiə Ordusunun (SAXAL) Qəzza zolağında quru əməliyyatlarına başlamasından bəri İsrail ordusunun itkilərinin toplam sayı 51-ə çatıb.
YALAN.info bildirir ki, İsrail Ordusunun mətbuat xidmətindən verilən məlumata görə, çərşənbə günü Qəzza zolağının şimalında gedən döyüşlər zamanı iki əsgər həlak olub.
Hərbçilər bildirirlər ki, bu gecə daha bir hərbçi – Modiindən olan 22 yaşlı kapitan Şlomo Ben Nun Qəzzanın şimalında də gedən döyüşlərdə həlak olub. Ben Nun paraşüt briqadasının 202-ci batalyonunda rota komandirinin müavini idi.
Bundan başqa, Qəzza zolağının şimalında gedən döyüşlərdə 75-ci batalyon, 7-ci briqadadan ehtiyatda olan bir əsgər və 9215-ci batalyon, 205-ci briqadadan bir ehtiyatda olan hərbçi ağır yaralanıb. Ordudan bildirilib ki, döyüşçülər xəstəxanada müalicə olunmaq üçün təxliyyə edilib və ailələrinə məlumat verilib.
