78 yaşlı Harrison Ford İndiana Cons 5 filminin çəkilişlərində günə 11 saat işləyir

Amerikalı aktyor Harrison Ford “İndiana Cons 5” filminin çəkilişlərində iradəsi və idman rejimi ilə pərəstişkarlarını təəccübləndirib.

“The Mirror”un məlumatına görə, “İndiana Consun sərgüzəştləri”nin beşinci hissəsinin çəkilişlərində formada olmaq üçün o, hər gün 64,5 kilometr velosiped sürür. 78 yaşlı aktyor  tək bununla kifayətlənmir, hər gün piyada gəzir. Çəkiliş meydançasında 11 saatını keçirən Fordun gün ərzində cəmi altı saat yatdığı vurğulanır.

“Bu inanılmazdır. Görünür çox sərt bir qrafikə sahibdir. Onun fəaliyyəti ilə saatınızı qura da bilərsiniz – hər gün eyni anda eyni şeyi edir. Onun rejimi ciddi şəkildə tənzimlənir: oyanma, nahar, uzun velosiped gəzintisi və sonra axşam saat altıdan çəkiliş meydançası. Təxminən səhər saat beşdə otelə qayıdır” – nəşrin mənbəyi bildirib.

Aktyorun əla formada olmasına baxmayaraq, çəkilişlərdə gənc kaskadyor da işləyir. Deyilənlərə görə, filmin ssenarisinə görə İndiana Cons gənclik bulağı tapacaq – burada gənc kaskadyora gərək var.

“Harrisonun əsas qaydası çəkilişdə istədiyi süjet xəttini dəyişdirə bilməsidir. Bu şounun ulduzu odur və ssenarinin doğru olması çox önəmlidir”, – deyə o, bildirib.

Harrison Fordun yenidən İndiana Cons rolunu oynaması 2020-ci ilin fevralında bilindi. Arxeoloq İndiana Consun sərgüzəştlərindən danışan ilk film 1981-ci ildə ekranlara çıxıb və kino tarixindəki ən yüksək gəlir gətirən filmlərdən biri sayılır.

Indiana Jones 5 – Official Trailer (2020)

YALAN.info

YALAN.info Online Xəbərlər və İnformasiya Saytı Azərbaycan, eləcə də Bütün Dünyanın Siyasi, İqtisadi, İdman, Mədəniyyət və Texnologiya Yeniliklərini Yayımlayır. Hər Zaman Ən Son Yalanlardan YALAN.info-da Xəbərdar Ol!

Bu Xəbərləri də Bəyənəcəksiniz

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir