Rəsul Çunayev: Bir-iki Ay Əvvəl Karyeramı Bitirməyi Düşünürdüm

Yunan-Roma güləşçimiz Rəsul Çunayev Rusiyada keçirilən Avropa çempionatını gümüş medalla başa vurub.

YALAN.info Online Xəbərlər və İnformasiya Saytının bildirdiyinə görə, 72 kq çəki dərəcəsində mübarizə aparan idmançımız Rusiya güləşçisi Adam Kuraka qalib gəldiyi görüşdə uduzub: 5-9.

Olimpiya mükafatçımız final görüşündən sonra verdiyi açıqlamada uduzmasında zədələrinin ona mane olduğunu bildirib:

“Mənim belimdə yırtıq var. Bir-iki ay əvvələ qədər karyeramı bitirmək istəyirdim. Zədəmə görə Azərbaycan çempionatına qoşula bilmədim. Tam sağalmağım üçün yarışlardan tam uzaqlaşmağım və bir il müalicə almağım lazımdır. Ancaq belə də olmur. Baş məşqçimiz Şaban Donat məni yığmaya yenidən qaytaran şəxs oldu. Hər dəfə iki-üç gün istirahət edirəm, sonra məşqə başlayıram. Ancaq zədə yenə öz sözünü deyir. Finalda da tam gücümlə mübarizə aparmağıma bu imkan vermədi”.

Rəsul Çunayev: Zədələrə baxmayaraq medalsız qalmadım…

Yada salaq ki, Rusiyanın (Dağıstan) Kaspiysk şəhərində keçirilən güləş üzrə Avropa çempionatında yunan-Roma güləşi üzrə yarışlar sona çatıb.  İdmançılarımız bir qızıl, iki gümüş və iki bürünc medalla ölkəmizə qayıdıb.

Bununla da komandamız 31 ölkə arasında III yeri tutub. İlk yeri meydan sahibi Rusiya, II pilləni isə Gürcüstan tutub. Ermənistan millisi isə IV yerə yiyələnib.

Buna Oxşar Xəbərlərdən:

YALAN.info

YALAN.info Online Xəbərlər və İnformasiya Saytı Azərbaycan, eləcə də Bütün Dünyanın Siyasi, İqtisadi, İdman, Mədəniyyət və Texnologiya Yeniliklərini Yayımlayır. Hər Zaman Ən Son Yalanlardan YALAN.info-da Xəbərdar Ol!

Bu Xəbərləri də Bəyənəcəksiniz

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir