“CBC Sport” telekanalı UEFA Çempionlar Liqası (UEFA Champions League) ilə birlikdə 4 önəmli yarışın Azərbaycanda teleyayım hüququna yiyələnib.
YALAN.info Online Xəbərlər və İnformasiya Saytının telekanaldan aldığı məlumata görə, bunlar Çempionlar Liqası, Avropa Liqası, UEFA Millətlər Liqası və İspaniya La Liqasıdır.
Bundan başqa, telekanal avqustun 15-də Estoniyanın paytaxtı Tallində İspaniyanın “Real Madrid” və “Atletiko” komandaları arasında keçiriləcək UEFA Super Kuboku uğrunda görüşü də yayımlayacaq. Anlaşma 2018-2019 mövsümündən qüvvəyə minəcək.
Telekanaldan həmçinin bildirilib ki, “CBC Sport” daha bir neçə önəmli yarışın yayım hüququ ilə bağlı yaxın vaxtlarda anlaşmalar imzalayacaq.
Qeyd edək ki, bunadək avrokubokların qrup mərhələsinin oyunları və La Liqanı “İdman Azərbaycan” yayımlayıb. Millətlər Liqası isə yeni yarışdır və sentyabrdan start götürəcək.
