Heydər Əliyev Mərkəzinin layihəsinin müəllifi, dünya şöhrətli memar Zaha Hadid 65 yaşında dünyasını dəyişib. ANS PRESS-in məlumatına görə, Z.Hadid Mayami xəstəxanasında ürək tutmasından sonra vəfat edib. Məşhur memar uzun müddət idi ki, bronxitdən müalicə olunurdu.
Zaha Hadid İraq ərəbi əsilli britaniyalı, dekonstruktivist memardır. O, 2004-cü ildə Hadid Pritzker Memarlıq mükafatına layiq görülən ilk qadın-memar olub.
Zaha Hadid 1950-ci ildə Bağdadda doğulub. Londonda Arxitektura Assosiasiya Məktəbində oxuyub. 1980-ci illərdə, Arxitektura Assosiasiya Məktəbində dərs deyib.
Həmçinin dünyada nüfuzlu təşkilatlarda dərs deyib. Bundan əlavə, o Amerikan İncəsənət İnstitutunun fəxri üzvü olub. Avstriyada Vyanada Tətbiqi İncəsənətlər Universitetində professor kimi çalışıb. Çoxlu beynəlxalq yarışın qalibidir.
2004-cü ildə isə Hadid Pritzker Memarlıq mükafatını alan birinci qadın memar olub. Britaniya Ensiklopediyasının redaksiya heyətinin üzvüdür. O 2006-cı ildə Beyrutun Amerikan Universitetindən fəxri elmi dərəcəsini alıb.