Avropanın şimalında yerləşən İsveç Krallığında koronavirusa (COVID-19) gündəlik yoluxanma sayı rekord həddə çatıb.
YALAN.info Onlayn Xəbərlər və İnformasiya Saytı bildirir ki, bununla bağlı İsveç Krallığının səhiyyə departamenti məlumat yayıb.
Departamentin məlumatına görə, son 24 saatda aşkar edilən koronavirus xəstələrinin sayı 23,877 nəfər olub ki, bu da pandemiya başlayandan ən yüksək gündəlik göstəricidir. Öncəki gündəlik maksimum çərşənbə axşamı 17,457 səviyyəsində qeydə alınmışdı.
Beləliklə də, İsveçdə pandemiyanın başlanğıcından indiyədək yoluxanların toplam sayı 1 416 650 nəfər olub. Koronavirusa yoluxduqdan sonra dünyasını dəyişən xəstələrin sayı isə 15 377 nəfərə çatıb.
