Birləşmiş Millətlər Təşkilatının Kiprdəki sülhməramlı missiyasının mandatı gələn ilin yanvarına qədər davam edəcək.

YALAN.info bildirir ki, BMT Təhlükəsizlik Şurası üzvləri mandatın iyulun 31-dən gələn il yanvarın 3-dək uzadılmasına qərar verib.

Şuranın indiki sədri, Braziliyanın BMT-dəki səfiri Ronaldo Kosta Filyo Böyük Britaniya tərəfindən hazırlanan qətnamə layihəsinin bütün üzvlərin təsdiqindən sonra yekdilliklə qəbul edildiyini bildirib.

Yada salaq ki, BMT-nin Kiprdəki sülhməramlı qüvvələri 1964-cü ildə Təhlükəsizlik Şurasının qərarı ilə 796 hərbçi və 65 polis əməkdaşından ibarət qüvvə ilə yaradılıb.

BİR CAVAB YAZ

Buyurun, açıqlamanızı yazın!
Buyurun, adınızı bura yazın