Türkiyənin Konya şəhərində keçirilən V İslam Həmrəyliyi Oyunları başa çatıb.
YALAN.info bildirir ki, Azərbaycan yarışı 99 medalla bitirib və 4-cü pillədəki mövqeyini qoruyub. Medallardan 29-sı qızıl, 36-u gümüş, 34-si bürünc əyarlıdır.
İlk 3 mövqedə medal əyarında uyğun olaraq, Türkiyə 341 (145 qızıl, 107 gümüş, 89 bürünc), Özbəkistan 158 (51 qızıl, 42 gümüş, 65 bürünc) və İran 133 (39 qızıl, 44 gümüş, 50 bürünc) medalla qərarlaşıb. Konya 2021 – İslam Həmrəyliyi Oyunlarında iştirak edən toplam 56 ölkədən 44-ü medal qazana bilib.
Onu da bildirək ki, Azərbaycan yığması medallarını 19 növdə – güləş (8 qızıl, 8 gümüş, 7 bürünc), bədii gimnastika (5 qızıl, 2 gümüş, 1 bürünc), cüdo (2 qızıl, 3 gümüş, 2 bürünc), aerobika (2 qızıl, 3 gümüş), qılıncoynatma (2 qızıl, 2 gümüş, 2 bürünc), taekvondo (1 qızıl, 2 gümüş, 2 bürünc), idman gimnastikası (1 qızıl, 2 gümüş, 1 bürünc), atletika (1 qızıl, 2 gümüş), kikboksinq (3 qızıl, 5 gümüş, 7 bürünc), üzgüçülük (1 qızıl, 1 gümüş, 1 bürünc), 3X3 basketbol (1 qızıl, 1 gümüş), stend atıcılığı (1 qızıl, 1 gümüş), ağırlıqqaldırma (1 gümüş, 3 bürünc), həndbol (1 gümüş), karate (1 qızıl, 2 gümüş, 3 bürünc), para-oxatma (2 bürünc), para-stolüstü tennis (1 bürünc), voleybol (1 bürünc) və futbolda (1 bürünc) əldə edib.
