“Engineered Arts” şirkəti “Ameca” adlı yeni robotunu nümayiş etdirib.
YALAN.info Onlayn Xəbərlər və İnformasiya Saytı bildirir ki, insanabənzər robotun görüntüləri Böyük Britaniyada yerləşən şirkətin sosial şəbəkə səhifələrində yayılıb.
“Ameca” adlı texnoloji məhsul insanabənzər mimikası və jestlərilə diqqət çəkib. Videoda “Ameca” kimi tanınan robotun gözlərini açıb ətrafa baxıb özünü yoxladıqda, təəccüb hisslərini ifadə etdiyi görünür. Kameranı görəndə o, gülümsəyir və əlini uzadır.
“Ameca”-nın boz rəngli dərisi var, cins və irq baxımından neytral özəlliklərdə hazırlanmış, ancaq dünyanın “insan-robotexnika texnologiyasının ön sıralarını təmsil edən ən qabaqcıl insan formalı robotu” kimi təsvir edilir.
“Engineered Arts” şirkətinin yaradıcısı Uill Cekson, “İnsan kimi görünən robotun yaradılmasında məqsəd insanlarla ünsiyyət qurmaqdır” dedi. Robotun süni intellektə malik olmadığı bildirilib.
