“SpaceX” şirkətinin “Falcon 9” daşıyıcı aparatı “Starlink” sisteminin qlobal internet əhatə şəbəkəsinin orbital qruplaşmasını artırmaq üçün 21 mini-peykdən ibarət daha bir partiyanı uğurla orbitə çıxarıb.
YALAN.info bildirir ki, “Falcon 9” raketi ABŞ-nin Vandenberq Kosmik Qüvvələri bazasında (Kaliforniya) SLC-4E meydançasından buraxılıb.
“SpaceX” artıq 5 600-dən çox belə cihazı orbitə çıxarıb. Onlardan bəzilərində nasazlıq yaranıb, ya da orbiti tərk ediblər. 5 200-dən çox internet peyki hazırda orbitdədir və işləyir.
Buraxılış çərçivəsində daşıyıcı raketin təkrar istifadə edilə bilən pilləsi ilk dəfə olaraq ayrıldıqdan sonra “Of Course I Still Love You” dəniz dron platformasına idarəolunan şaquli eniş edib.
