Amerika Birləşmiş Ştatları və Venesuela arasında məhbus mübadiləsi aparılıb.

YALAN.info bildirir ki, bununla bağlı ABŞ Prezidenti Co Bayden (Joe Biden) məlumat verib.

Yeddi amerikalı Vaşinqtona, Venesuela prezidenti Nikolas Maduronun iki qohumu isə Karakasa təhvil verilib.

Mübadilədən əvvəl diplomatlar arasında uzun illər davam edən danışıqlar aparılıb. Vətənə qayıdan amerikalılar arasında “Citgo Petroleum” nəqliyyat şirkətinin menecerləri, həmçinin Dəniz Piyadaları Korpusunun veteranı da var.

“Bu gün Venesuelada illərlə qanunsuz həbsdən sonra biz Xorxe Toledo, Tomeu Vadella, Alirio Zambrano, Xose Luis Zambrano, Xose Pereyra, Metyu Hit və Osman Xanı vətənə gətiririk. Bu insanlar tezliklə ailələrinə qovuşacaqlar”, – Bayden deyib.

Bir müddət öncə dövlət başçısı bəyan etmişdi ki, danışıqlar uğurlu olarsa, Venesuelaya qarşı sanksiyaları yumşaltmağa hazırdır.

BİR CAVAB YAZ

Buyurun, açıqlamanızı yazın!
Buyurun, adınızı bura yazın