Amerika Birləşmiş Ştatları İtaliyadan Baltikyanı ölkələrə 800-ə qədər hərbçi, eləcə də Almaniyadan NATO-nun şərq cinahına səkkiz “F-35” qırıcısı yerləşdirəcək.
YALAN.info Onlayn Xəbərlər və İnformasiya Saytı bildirir ki, bunu ABŞ Müdafiə Nazirliyinin (Pentaqon) sözçüsü Con Kirbi (John Kirby) deyib.
Onun sözlərinə görə, ABŞ prezidenti Cozef Bayden Pentaqona Avropadakı güclərin bir hissəsinin yerini dəyişməklə bağlı tapşırıq verib:
“Onların arasında İtaliyadan Baltik regionuna yerləşdiriləcək təxminən 800 nəfərlik piyada batalyonunun xüsusi təyinatlı qrupu da var. Almaniyadan isə NATO-nun şərq cinahına səkkiz F-35 və başqa təyyarələr yerləşdiriləcək”.
