3 qol və Qarabağ FK ardıcıl 7-ci dəfə Avropa Liqasının qrup mərhələsində!

“Qarabağ” FK bu gün UEFA Avropa Liqasının pley-off mərhələsində Polşanın “Legiya” klubu ilə qarşılaşıb.

Komandamız ardıcıl yeddinci dəfə Avropa Liqasının qrup mərhələsinə düşmək üçün meydana çıxdığı oyunda rəqibinə darmadağınla qalib gəlib.

Ağdam təmsilçisi 3 cavabsız qolla qələbəni və qrup mərhələsinə vəsiqəni təmin edib.

Oyunun 50-ci dəqiqəsində Patrik Andrade hesabı açıb. 62-ci dəqiqədə Abdullah Zubir komandasının ikinci qolunu vurub. Filip Ozobiç isə 70-ci dəqiqədə 3-cü qola imza atıb.

Bu qələbə sayəsində “Qarabağ” 7-ci dəfə Avroliqanın qrup mərhələsinə yüksəlib.

Oyundan sonra Ağdam komandasının futbolçuları bir yerə yığışıb və əllərində Azərbaycan bayrağı ilə əsgər salamı verib.

“Legiya” (Polşa) – “Qarabağ” (Azərbaycan) – 0:3

Baş hakim: Tobias Ştiler (Almaniya)

Varşava. “Voyska Polskieqo” stadionu

“Legiya”: 1. Artur Boruts, 2. Yosip Yuranoviç, 5. İqor Levçuk, 55. Artur Yendjerçik, 25. Filip Mladenoviç, 7. Domaqoy Antoliç, 99. Bartoş Sliç, 21. Rafael Lopeş, 11. Coel Valensiya, 67. Bartoş Kapustka, 9. Tomaş Pekhart

Ehtiyat oyunçular: 33. Radoslav Tsejnyak, 4. Mateuş Vateska, 8. Valerian Qviliya, 14. Mixal Karbovnik, 22. Pavel Vşolek, 39. Matsey Rosolek, 82. Lukinyas 

Baş məşqçi: Çeslav Mixneviç

“Qarabağ”: 1. Şahruddin Məhəmmədəliyev, 30. Abbas Hüseynov, 81. Kevin Medina, 55. Bədavi Hüseynov, 5. Maksim Medvedev (k.), 8. Uroş Matiç, 2. Qara Qarayev, 6. Patrik Andrade, 10. Abdullah Zubir, 19. Filip Ozobiç, 7. Ovusu Kvabena

Ehtiyat oyunçular: 12. Emil Balayev, 4. Rahil Məmmədov, 9. Xayme Romero, 11. Mahir Emreli, 18. İsmayıl İbrahimli, 27. Tural Bayramov, 44. Elvin Cəfərquliyev

Baş məşqçi: Qurban Qurbanov

YALAN.info

YALAN.info Online Xəbərlər və İnformasiya Saytı Azərbaycan, eləcə də Bütün Dünyanın Siyasi, İqtisadi, İdman, Mədəniyyət və Texnologiya Yeniliklərini Yayımlayır. Hər Zaman Ən Son Yalanlardan YALAN.info-da Xəbərdar Ol!

Bu Xəbərləri də Bəyənəcəksiniz

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir