Şəhriyar Məmmədyarov 2018-ci ilin Yanvar Ayında FIDE Reytinqində 3-cü Yerdədir

Azərbaycanlı qrossmeyster Şəhriyar Məmmədyarov Beynəlxalq Şahmat Federasiyası (FIDE) şahmatçıların 2018-ci ilin yanvar ayı üçün reytinq sıralamasında 3-cü yerə yüksəlib.

YALAN.info Online Xəbərlər və İnformasiya Saytı FIDE-nin rəsmi saytına qaynaqlanaraq bildirir ki, Azərbaycan şahmatçısı, üçqat Avropa çempionu Şəhriyar Məmmədyarov üçüncü sıradakı yerini daha da gücləndirib. Şahmatçımız əmsalını 2804 xala çatdırıb. O, FIDE-nin dekabr ayı üçün reytinq siyahısındakı əmsalını 5 xal yaxşılaşdırıb.

Başqa şahmatçılarımızdan Teymur Rəcəbov (2748) dekabr ayı ilə qarşılaşdırdıqda iki addım geriləyərək 19-cu sırada qərarlaşıb. Öz əmsalını və yerini qoruyan Rauf Məmmədov (2709) 40-cı, iki pillə irəliləyən Arkadi Naydiç (2701, ötən ay 2705) isə 41-ci sıradadırlar.

Reytinq siyahısına indiki Dünya çempionu, norveçli Maqnus Karlsen (2837) başçılıq edir. ABŞ şahmatçısı Fabiano Karuana isə 2811 xalla ikinci yerdədir.

FIDE-nin 2018-ci ilin Yanvar Ayı üçün Reytinqi

  1. Maqnus Karlsen (Norveç) – 2834
  2. Fabiano Karuana (ABŞ) – 2811
  3. Şəhriyar Məmmədyarov (Azərbaycan) – 2804
  4. Levon Aronyan (Ermənistan) – 2797
  5. Maksim Vaşye-Laqrav (Fransa) – 2793
  6. Uesli So (ABŞ) – 2792
  7. Vladimir Kramnik (Rusiya) – 2787
  8. Xikaru Nakamura (ABŞ) – 2781
  9. Din Lijen (Çin) – 2769
  10. Petr Svidler (Rusiya) – 2768
  11. Vişvanatan Anand (Hindistan) – 2767
  12. Aleksandr Qrişuk (Rusiya) – 2767
  13. Yu Yangyi (Çin) – 2760
  14. Sergey Karyakin (Rusiya) – 2753
  15. Aniş Qiri (Hollandiya) – 2752
  16. Yan Nepomnyahi (Rusiya) – 2751
  17. David Navara (Çexiya) – 2749
  18. Veselin Topalov (FIDE) – 2749
  19. Teymur Rəcəbov (Azərbaycan) – 2748
  20. Harikişna P. (Hindistan) – 2745

Buna Oxşar Xəbərlərdən:

YALAN.info

YALAN.info Online Xəbərlər və İnformasiya Saytı Azərbaycan, eləcə də Bütün Dünyanın Siyasi, İqtisadi, İdman, Mədəniyyət və Texnologiya Yeniliklərini Yayımlayır. Hər Zaman Ən Son Yalanlardan YALAN.info-da Xəbərdar Ol!

Bu Xəbərləri də Bəyənəcəksiniz

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir