Rusiya Federasiyasının Prezidenti Vladimir Putin “Lukoyl” neft-qaz şirkətinin keçmiş rəhbəri, Azərbaycan əsilli iş adamı Vahid Ələkbərovu təltif edib.
YALAN.info bildirir ki, iş adamı I dərəcəli “Vətənə xidmətə görə” ordeni ilə təltif olunub.
Qeyd edək ki, aprelin 21-də Rusiyanın “Lukyl” Publik Səhmdar Cəmiyyətinin prezidenti Vahid Ələkbərov şirkətin Direktorlar Şurasının üzvü və şirkətin prezidenti postunu tərk edib.
Vahid Ələkbərov dünyada rəsmən milyarder kimi tanınan yeganə azərbaycanlıdır. 2021-ci ildə ABŞ-ın “Forbes” jurnalının tərtib etdiyi dünyanın ən varlı adamlarının siyahısında 66-cı yeri tutub. Ələkbərovun sərvəti 24,9 milyard dollar həcmində qiymətləndirilir.
