“Twitter”in həmtəsisçisi Cek Dorsi “Bluesky Social” adlı yeni sosial şəbəkəsini elan edib.
YALAN.info bildirir ki, “Bluesky Social”ın əsas özəlliyi “AT Protocol” alqoritmi əsasında mərkəzsizləşdirmə olacaq.
Bununla belə, Dorsinin yeni layihəsi həmkarlarından onunla fərqlənəcək ki, istifadəçilərə başqa sosial şəbəkələrdəki hesab və məlumatlarını “Bluesky Social”a köçürməyə icazə veriləcək.
Sosial şəbəkənin mərkəzsizləşdirilməsinin təmin edilməsi və hesabların köçürülməsi funksiyası barədə təfərrüatlar açıqlanmır.
Qeyd edək ki, yeni şəbəkənin yaradılması işlərinə 2019-cu ildə başlanılıb. İndi sosial şəbəkə qapalı beta sınaq mərhələsindədir.
