Salvador hökuməti ölkədə bitkoinə həsr olunmuş yeni şəhər tikməyi planlaşdırır.
YALAN.info Onlayn Xəbərlər və İnformasiya Saytı bildirir ki, layihə “Bitcoin City” adlandırılıb. Bunu ölkə prezidenti Nayib Bukele “Bitcoin Week” konfransında deyib.
Onun sözlərinə görə, şəhər dairəvi formada olacaq və onun mərkəzində nəhəng “B” simvolu şəklində sərgi kompleksi yaradılacaq. “Bitcoin City” sakinləri ƏDV istisna olmaqla, bütün vergilərdən (gəlir, əmlak, kapital artımı və b.) azad olacaqlar. Həmçinin, yeni şəhər yalnız bərpa olunan geotermal enerji mənbələrindən istifadə edəcək.
“Bitcoin City”nin tikintisini maliyyələşdirmək üçün Salvador hökuməti 1 milyard dollar dəyərində tokenləşdirilmiş 10 illik istiqrazlar buraxacaq. Bu layihədə ölkənin tərəfdaşları “Bitfinex” və “Blockstream” şirkətləridir.
Salvador – dünyada Bitkoinin qanuni ödəniş vasitəsi statusu olduğu ilk ölkədir (ABŞ dolları ilə birlikdə). Sentyabrın 7-də ölkədə uyğun qanun qüvvəyə minib. Həmin gün səlahiyyətlilər ilk 550 bitkoini alıblar. Sentyabrın 20-də (150 BTC) və oktyabrın 28-də (420 BTC) Salvador hökuməti tərəfindən Bitkoinlərin əlavə alışları həyata keçirilib.
Bukele populyar bir prezident olsa da, rəy sorğuları Salvadorluların onun bitkoinə olan sevgisinə şübhə ilə yanaşdığını və onun kələ-kötür tətbiqi hökumətə qarşı etirazları artırdığını göstərir.
Planını Makedoniyalı İskəndər tərəfindən qurulan şəhərlərə bənzədən Bukele, dairəvi Bitcoin City-də hava limanı, yaşayış və ticarət mərkəzlərinin olacağını və havadan Bitcoin simvoluna bənzəyən mərkəzi plazanın olacağını söyləyir.
“Bura sərmayə qoyun və arzuladığınız pulları qazanın” – başdan-ayağa ağ geyinmiş və tərsinə çevrilmiş beysbol şapkası taxan Bukele Mizata çimərlik kurortunda deyir. Daha sonra əlavə edir: “Bu, vulkanla işləyən və vulkandan enerji alan tamamilə ekoloji bir şəhərdir.”
