1,7 milyard dollarlıq sərvətlə dünyanın ən zəngin qadın musiqiçisi olan Rihanna pulunu xeyriyyə işlərinə xərcləməyə davam edir.
YALAN.info Onlayn Xəbərlər və İnformasiya Saytı bildirir ki, 33 yaşlı barbadoslu müğənni “Clara Lionel Fondu” və Twitter-in qurucusu Cek Dorsinin başlatdığı #StartSmall hərəkatı ilə İqlim Ədaləti Alyansı və Qaradərililərin Həyatı Hərəkatına 15 milyon dollar ayırıb.
Karib dənizinin ada dövləti Barbadosda doğulub boya-başa çatan Rihanna mətbuata açıqlamasında qeyd etdi: “Tezliyi və intensivliyi artan iqlim fəlakətləri bütün toplumlara eyni dərəcədə təsir göstərmir, rəngarəng icmalar və ada xalqları iqlim dəyişikliyinin yükü ilə qarşılaşır.”
Məşhur müğənni qadın, LGBT hüquqları və iqlim böhranı ilə bağlı daha 18 təşkilata ianə vəd etdiyini də açıqlayıb.
