Korotçenko Lavrova: O ermənilər hərbi əsir deyil, terrorçudur

Döyüş əməliyyatlarının dayandırılmasından sonra Xocavənd rayonunda aşkarlanmış 62 erməni hərbiçi 10 noyabrda imzalanmış anlaşmaya aid deyil. Onların Azərbaycana göndərilməsi üç ölkə liderinin məlum anlaşmanı imzaladıqdan sonra həyata keçirilib.

YALAN.info Onlayn Xəbərlər və İnformasiya Saytı bildirir ki, bunu tanınmış rusiyalı politoloq, hərbi ekspert İqor Korotçenko Rusiya XİN rəhbəri Sergey Lavrovun çıxışına münasibət bildirərkən deyib.

“Beynəlxalq hüquq normaları baxımından Azərbaycan ərazisinə qanunsuz daxil olan, silahlı təxribatlar törətmiş erməni əsgərlər hərbi əsir statusuna malik deyil, onları beynəlxalq terrorçular kimi tövsif etmək lazımdır. Buna görə də onların Ermənistana qaytarılması məsələsi tamamilə ayrı mövzudur və 10 noyabr tarixli bəyanata aid deyil. Bu mövzunu müzakirə etmək üçün ayrı-ayrı danışıqlar keçirilməlidir, o cümlədən İrəvan tərəfindən dəqiq qərar qəbul olunmalıdır ki, Dağlıq Qarabağ ərazisində erməni silahlı qüvvələri yerləşməyəcək. Belə şəraitdə Xocavənd rayonunda nəzarət altına götürülən erməni hərbçilərinin taleyi ilə bağlı razılığa gəlmək olar. Bununla yanaşı, Laçın dəhlizindəki şlaqbaum Ermənistanın silahlıları üçün birmənalı olaraq bağlanılmalıdır. Bu, həm sülhməramlıların təhlükəsizliyi, həm vəziyyətin sabitləşməsi deməkdir, həm də imzalanmış və indi həyata keçirilən tamhüquqlu razılaşmalara uyğundur”, – o bildirib.

Korotçenkonun sözlərinə görə, Ermənistan rəsmilərinin Laçın dəhlizi vasitəsilə Azərbaycanın Qarabağ bölgəsinə daxil olması yalnız Azərbaycanın rəsmi, səlahiyyətli orqanlarının razılığı və icazəsi ilə həyata keçirilməlidir:

“Bu, çox vacibdir ki, Ermənistan Qarabağa beynəlxalq terrorçular kimi tövsif ediləcək və Azərbaycan torpağında silahlı təxribatlar həyata keçirə biləcək insanları göndərməsin. Ötən il noyabrın 10-da imzalanmış anlaşmanın bütün məsələlərinin vaxt azlığına görə geniş şəkildə işlənmədiyini nəzərə alsaq, bu, son dərəcə önəmlidir. Bu gün bütün bu məsələləri ciddi şəkildə həll etmək lazımdır”.

YALAN.info

YALAN.info Online Xəbərlər və İnformasiya Saytı Azərbaycan, eləcə də Bütün Dünyanın Siyasi, İqtisadi, İdman, Mədəniyyət və Texnologiya Yeniliklərini Yayımlayır. Hər Zaman Ən Son Yalanlardan YALAN.info-da Xəbərdar Ol!

Bu Xəbərləri də Bəyənəcəksiniz

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir