ABŞ-da yayımlanan yeni sorğuya görə, Baydenin reytinqi rekord həddədək azalıb.
YALAN.info bildirir ki, onlayn sorğu və analitik şirkəti olan “Civiqs” tərəfindən aparılan sorğuya görə, ABŞ-da qeydiyyatdan keçmiş seçicilərin 29 faizi ölkənin indiki prezidenti Co Baydenin idarə etmə tərzini bəyənir, 58 faizi bəyənmir, 13 faizi isə cavab verməkdə çətinlik çəkir.
Eyni zamanda, ağdərili amerikalıların 66 faizi indiki hökuməti dəstəkləməsə də, o, afro-amerikalı əhali arasında populyar olaraq qalır və həmin qrup arasında 55 faiz Baydenin siyasətini bəyənir. ABŞ lideri Havay və Vermont istisna olmaqla, demək olar ki, bütün ştatlarda aşağı reytinqə malikdir. Baydenin vətəni Delaver ştatında da respondentlərin 54 faiz onun hökumətinə qarşıdır.
