Bir qrup turist qəzəbli fillərin hücumuna məruz qalıb. Olay Afrikanın cənubundakı “Krugir” Milli Parkında baş verib.
YALAN.info Onlayn Xəbərlər və İnformasiya Saytı bildirir ki, Cənubi Afrika Respublikasında safariyə qoşulan macəra axtaranlar fil sürüsü ilə qarşılaşıblar.
Nəhəng heyvanlar yaşayış yerlərində “yadelliləri” görməkdən məmnun qalmayıb. Onlardan biri irəli atılaraq xortumu ilə safari maşınını itələməyə başlayıb.
Bu zaman insanlar arasında böyük panika yaşanıb. Yalnız fil uzaqlaşdıqdan sonra onlar avtomobildən çıxaraq qaçıblar.
Möcüzə nəticəsində, filin hücumu nəticəsində xəsarət alan olmayıb. Ancaq safari avtomobilinə ciddi ziyan dəyib.
