Azərbaycanın azad edilmiş ərazilərində “yaşıl enerji” zonasının yaradılması üzrə konsepsiya hazırlanıb.

YALAN.info Onlayn Xəbərlər və İnformasiya Saytı bildirir ki, bunu bu gün Bərpa Olunan Enerji Mənbələri Dövlət Agentliyinin direktoru Təbriz Əmmayev UNEC İqtisadi Forumunun panel müzakirələri zamanı deyib.

“İşğaldan azad edilmiş ərazilərdə yaşıl enerji zonasının yaradılması ilə ağlı strateji hədəfin olduğu hər kəs bilir. Azərbaycanın Energetika Nazirliyi və nazirliyin tabeliyində fəaliyyət göstərən Bərpa Olunan Enerji Mənbələri Dövlət Agentliyi bu səhədə olan beynəlxalq təcrübəni araşdırmağa başlayıb.

Eyni zamanda, uyğun ekspertizalar təşkil olunmaqla ərazidəki iqlim şəraiti, bərpa olunan enerji mənbələrinin potensialının ilkin dəyərləndirilməsi həyata keçirilib. Uyğun olaraq işğaldan azad edilmiş ərazilərdə yaşıl enerji zonasının konepsiyasının hazırlanması məqsədi ilə bu səhədə ixtisaslaşmış məsləhətçi şirkət olan TEPSCO şirkəti ilə birlikdə konsepsiya sənədi hazırlanıb.

Aidiyyəti dövlət qurumlarının rəy və təklifləri alındıqdan sonra yenilənmiş variant baxılması üçün hökumətə təqdim edilib. Bu konsepsiya ilk növbədə ərazidə yaşıl enerjidən istifadəni əks etdirir və məsləhətçi şirkətlə birlikdə biz beynəlxalq təcrübəni araşdırmışıq. Yaşıl enerji sahəsinə dair konseptual bir anlayış formalaşdırılıb”, – deyə o bildirib.

BİR CAVAB YAZ

Buyurun, açıqlamanızı yazın!
Buyurun, adınızı bura yazın