Böyük Britaniya Ukraynaya 100 milyon funt-sterlinq (130 milyon dollar) dəyərində müasir silah və hərbi texnikanın yeni partiyasını göndərəcək.
YALAN.info bildirir ki, bununla bağlı Böyük Britaniyanın Baş naziri Boris Conson Londonda Almaniya kansleri Olaf Şoltsla birgə mətbuat konfransında deyib.
Partiyaya yüksək səviyyəli silahlar, o cümlədən səsdən üç qat sürətlə hərəkət edən “Starstreak” zenit raketləri, 800 tank əleyhinə raket və səmada uça bilən, işarələnməyi gözləyən dəqiq idarə olunan döyüş sursatları daxildir.
Ukrayna hərbçiləri, həmçinin Böyük Britaniyadan bədən zirehləri, dəbilqələr və gecəgörmə eynəkləri alacaqlar.
