Qazaxıstan neftinin Avropaya daşınması Rusiyadakı fırtına səbəbindən boru xəttində yaranan problemə görə dayandırılıb.
YALAN.info bildirir ki, hadisəni şərh edən “Haber Global”ın analitikləri bunun Rusiyanın enerji oyunu olduğunu adlandırıblar.
“Rusiya illərdir ona sadiq olan Qazaxıstana sırf öz maraqları üçün zərbə endirdi. Bu ssenari ilk dəfə deyil ki, həyata keçirilir. Rusiya eyni oyunu Türkmənistan üçün də oynayıb. Türkmənistan ölkə qazının Rusiya tərəfindən 40 dollara alınaraq qat-qat baha satılması fonunda məsələnin yenidən dəyərləndirilməsini tələb edib. Çox keçmədən həmin tranzit boru xəttində nasazlıq meydana gəlib. İndi də eyni plan reallaşdırılır”, – deyə telekanalın süjetində bildirilir.
Video-materialda qeyd olunur ki, Azərbaycan illər öncə Qazaxıstana öz ərazisindən keçməklə tranzit kəmər çəkməyi təklif etdi. Ancaq Astana Rusiyaya üstünlük verdi. İndi isə ən gərəkli bir anda Rusiya Mərkəzi Asiyalı tərəfdaşını yarı yolda buraxdı.
