Azərbaycan milli komandası bu gün qadın voleybolçular arasında Qızıl Avropa Liqasının II dövrəsinə qələbə ilə başlayıb.
YALAN.info Online Xəbərlər və İnformasiya Saytı bildirir ki, Azərbaycan millisi IV turda Bolqarıstanı qəbul edib.
Qrupda son ev qarşılaşması yığmamız üçün xüsusi əhəmiyyətli idi. Çünki komandamız səfərdəki 1:3 hesablı məğlubiyyətin revanşını ala bilməsə, liderlik şansından, demək olar ki, çəkiləcəkdi. Bu da voleybolçularımıza növbəti mərhələyə keçmək yolunda böyük əngəl ola bilərdi.
Ancaq Faiq Qarayevin yetirmələri buna imkan verməyib. Rəqibi qarşısında üstün oyun sərgiləyən komandamız 3:1 hesablı qələbə ilə səfərdəki məğlubiyyətin revanşını alıb.
Onu da deyək ki, qrupdakı başqa oyunda Ukrayna Portuqaliyaya qalib gəlib – 3-1.
