Azərbaycan şahmatçıları Gürcüstanın Batumi şəhərində keçirilən 43-cü Ümumdünya Şahmat Olimpiadasında sıradakı oyununu Ermənistan milli komandasına qarşı keçirib.
YALAN.info Onli ne Xəbərlər və İnformasiya Saytı bildirir ki, kişilərdən ibarət Azərbaycan Milli Komandası V turda Ermənistan kollektivi ilə üz-üzə gəlib. Qarşılaşma Azərbaycan şahmatçılarının 2,5-1,5 üstünlüyü ilə başa çatıb.
Yığmanın heyətində Şəhriyar Məmmədyarov Levon Aronyanı məğlub edib. Teymur Rəcəbov isə Qabriel Sargissyandan üstün olub. Rauf Məmmədov öz görüşünü heç-heçə ilə başa vurduğu halda, Arkadi Naydiç dueldən məğlub ayrılıb.
V turdan sonra xallarının sayını 10-a yüksəldən Azərbaycan millisi turnir cədvəlinə başçılıq edir.
43-cü Ümumdünya Şahmat Olimpiadası (Batumi, Gürcüstan)
Ermənistan – Azərbaycan – 1,5 : 2,5
Levon Aronyan – Şəhriyar Məmmədyarov – 0 : 1
Qabriel Sargissyan – Teymur Rəcəbov – 0 : 1
Qrant Melkumyan – Arkadi Naydiç – 1 : 0
Hayk Martirosyan – Rauf Məmmədov – 0,5 – 0,5
Rəcəbov və Məmmədov ağ, Məmmədyarov və Naydiç isə qara fiqurlarla oynayıb.
The 43rd World Chess Olympiad (Batumi, 2018)