Avropa Komissiyası Rusiyaya qarşı sanksiyaların müddətini 2023-cü ilin əvvəlinə qədər uzatmağı təklif edir.
YALAN.info “RBC-Ukraina”ya istinadən xəbər verir ki, bununla bağlı Avropa Komissiyasının sədri Ursula fon der Lyayen Twitterdə yazıb.
“Rusiyanın Ukraynaya qarşı amansız müharibəsi səngimək bilmir. Ona görə də biz bu gün AB-nin Kremlə qarşı sanksiyalarını sərtləşdirməyi və 2023-cü ilin yanvarına qədər uzatmağı təklif edirik”, – o vurğulayıb.
Yada salaq ki, bu günlərdə Avropa Birliyi Rusiyaya qarşı yeddinci sanksiyalar paketinin razılaşdırılması üzərində işləyir. Gözlənildiyi kimi, buraya Rusiya qızılının idxalına və ikili təyinatlı malların ixracına qadağa da daxil olacaq.