Rəsmi Moskvanın sülh müqaviləsi üzrə dialoqdan çıxmaq qərarı ilə əlaqədar Yaponiya Rusiyaya etiraz notası göndərib.
YALAN.info bildirir ki, Yaponiya Nazirlər Kabinetinin baş katibi Hirokadzu Matsuno bununla bağlı mətbuat konfransında deyib.
“Biz etiraz notası göndərdik. Bu qərar tamamilə əsassızdır və tamamilə qəbuledilməzdir”, – baş katib bildirib.
Rusiya Xarici İşlər Nazirliyi bazar ertəsi bildirib ki, Moskva Tokionun dostca olmayan addımlarına cavab olaraq Yaponiya ilə sülh müqaviləsi bağlamaqdan imtina edir. Rusiya Federasiyası Yaponiya vətəndaşlarının cənubi Kuril adalarına vizasız gediş-gəlişini dayandırır və cənubi Kuril adalarında birgə iqtisadi fəaliyyətlərin yaradılması haqqında Yaponiya ilə dialoqdan çəkilir.
