Məşhur müğənni Adelin var-dövləti məlum olub. Britaniyalı ifaçının var-dövləti 85 milyon funt sterlinq (184 milyon 364 min AZN) məbləğində dəyərləndirilir.
Gənc müğənni Britaniyada ən varlı qadın müsiqiçi hesab olunub. ANS PRESS-in məlumatına görə, siyahını “Sunday Times” aqentliyi tərtib edib.
Milyonçu müğənnilərin siyahısında Adel (Adele) 50 nəfər arasında 30-cu sırada qərarlaşıb. Son bir il ərzində onun var-dövləti 35 milyon funt sterlinq (75 milyon 915 min AZN) artıb. Adel həm də ən zəngin gənc musiqiçilərin (30 yaşa qədər) siyahısına başçılıq edir.
Adele – Hello (BaseMints ReVID)
Adeldən daha çox pul qazanmış yeganə qadın-musiqiçi irlandiyalı Eniya (Enya) olub. O, 91 milyon avro qazanıb. Milyonçu müğənnilərin siyahısı aprelin 24-də tam olaraq tərtib olunacaq.
Adelin övladı dünyaya gəldikdən sonra o, sənətdən bir müddət uzaqlaşıb. Onun 2011-ci ildə təqdim etdiyi “21” adlı albomu 11 milyondan çox nüsxədə satılaraq “Bilboard” və “Rolling Stones” hit-paradlarının versiyası üzrə ilin albomu seçilib. Adel 10 “Qremmi”, 5 “Brit Awards” və həmçinin “Qızıl Qlobus” və “Oskar”mükafatlarının sahibidir.
