“Netflix” xidməti Cənubi Koreyanın “Squid Game” serialından qazanacağı məbləği açıqlayıb. Şirkətin hesablamalarına görə film təqribən 900 milyon dollar gəlir gətirəcək.
YALAN.info Onlayn Xəbərlər və İnformasiya Saytı bildirilir ki, serial 21,4 milyon dollara (hər seriya 2,4 milyon dollar) başa gəlib. Bloomberg agentliyinin hesablamalarına görə artıq 890 milyon dollar gəlir əldə edilib. Beləliklə, film ona xərclənən puldan 40 dəfə artıq qazanıb.
Qeyd edək ki, “Squid Game” maddi çətinliklərini həll etmək üçün adaya yollanan və sağqalma oyunlarına qoşulan personajlardan bəhs edir. Onlar 40 milyon dollar qazanmaq üçün uşaqlıqda oynadıqları altı oyunu uğurla başa vurmalıdırlar. Rəqabətə dözməyib uduzanlar isə ölürlər.
Rejissor Hvan Don-hekin yaşamaq uğrunda mübarizə ilə bağlı çəkdiyi “Squid Game” adlı ekran əsəri “Netflix” platforması tarixinin ən populyar serialı olub. Ekran işi premyerasından 25 gün sonra 111 milyon baxış sayı toplayıb. Bu o deməkdir ki, “Squid Game” ilk dörd həftədə 82 milyon baxış toplayan ABŞ-ın “Bridgertons” serialını qabaqlayıb.
