Rus ailələri Azərbaycanın azad edilmiş torpaqlarındakı doğma evlərinə qayıtmaq istəyir

Azərbaycan öz torpaqlarını Ermənistanın işğalından azad etdikdən sonra bir neçə rus ailəsi bu ərazilərə qayıtmaq üçün müraciət edib.

YALAN.info Onlayn Xəbərlər və İnformasiya Saytı bildirir ki, bunu Trend-ə Azərbaycan Respublikası Milli Məclisinin deputatı Mixail Zabelin deyib.

Onun sözlərini görə, indiyədək Goranboy rayonunun Rus Borisi kəndindən 15 ailə müraciət edib. Bundan başqa, Rusiyanın Krasnodar diyarından molokanlardan müraciət daxil olub. Bu ailələr əvvəllər Tərtər rayonunun işğal olunmuş Göyarx kəndində yaşayıb və erməni təcavüzü nəticəsində oradan köçürülüb.

Deputat bildirib ki, müraciət edənlər faktı təsdiq edən sənədlər və fotolar da göndərir:

“Bu kənd indi dağıdılıb. Müraciət edənlər məndən doğma kəndlərinə qayıtmağa yardım göstərməyimi xahiş edir. Biz bu məsələni gözdən keçirəcəyik. Mən razılıq alınması üçün ölkə rəhbərliyinə və uyğun strukturlara müraciət edəcəm”.

M.Zabelin vurğulayıb ki, indi bir sıra rus ailələrinin azad edilmiş torpaqlara qayıtması məsələsi perspektivdədir və bununla bağlı Rusiyadan müraciətlər var. İndi bu faktları təsdiq edən sənədlərin toplanması davam edir.

YALAN.info

YALAN.info Online Xəbərlər və İnformasiya Saytı Azərbaycan, eləcə də Bütün Dünyanın Siyasi, İqtisadi, İdman, Mədəniyyət və Texnologiya Yeniliklərini Yayımlayır. Hər Zaman Ən Son Yalanlardan YALAN.info-da Xəbərdar Ol!

Bu Xəbərləri də Bəyənəcəksiniz

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir