Almaniya kansleri Olaf Şolts Rusiya Federasiyasının Prezidenti Vladimir Putin və Fransa Prezidenti Emmanuel Makronla telefon danışığı aparıb.
YALAN.info bildirir ki, TASS agentliyinin məlumatına görə, bununla bağlı Almaniya Federativ Respublikası hökumətinin sözçüsü Şteffen Hebeştreit jurnalistlərə bildirib.
Telefon danışığı 90 dəqiqə davam edib və Ukraynadakı vəziyyətin nizamlanmasına həsr olunub.
“Kansler və Fransa prezidenti atəşkəsin dərhal bərqərar edilməsini və Rusiya ordusunun çıxarılmasını təkid ediblər. Onlar Rusiya Prezidentini Ukrayna lideri ilə birbaşa danışıqlar aparmağa və münaqişənin diplomatik yolla həllini axtarmağa çağırıblar”, – Hebeştreit deyib.
O qeyd edib ki, söhbət Almaniya və Fransa liderlərinin təşəbbüsü ilə baş tutub.
