Türkiyə Xarici İşlər naziri Mövlud Çavuşoğlu Avstriyanın Vyana şəhərində baş verən terroru qınayıb.
YALAN.info Onlayn Xəbərlər və İnformasiya Saytı bildirir ki, “Anadolu” agentliyinin xəbərinə görə, bununla bağlı açıqlama verən türkiyəli nazir bildirib ki, terror hücumlarından əziyyət çəkmiş bir ölkə və millət olaraq hər cür terrorizmə qarşıyıq.
“Bir daha bu terror hücumunu qınayırıq. İki vətəndaşımız Rəcəb Tayyib Gültəkin və Mikayıl Özen, həyatlarını təhlükəyə ataraq dünən axşam terrorçulara müdaxilə edib və terror hücumunda zərərçəkənlərə kömək ediblər. Onlardan biri qardaşımız Rəcəb Tayyib ayağından yaralanıb. Bu səhər onlarla telefonla danışdıq. Dediyi kimi, iki qardaşımız müsəlmanın və türkün etməli olduqlarını ediblər. Bu səbəbdən həm Avstriya, həm də Avropada və dünyada yaşayan türklər eyni hissə sahibdirlər və inteqrasiya baxımından hər kəsə nümunə olublar”, – deyə o qeyd edib.
Yada salaq ki, Avstriyanın Vyana şəhərində baş verən terror hücumu nəticəsində beş nəfər ölüb, 18 nəfər yaralanıb.
