“Rusiya qoşunları artıq 500 min Ukrayna vətəndaşını zorla öz ölkələrinə aparıblar”.
YALAN.info bildirir ki, bu sözləri Ukrayna Prezidenti Volodimir Zelenski Estoniya Parlamentinə video-müraciətində deyib.
Onun sözlərinə görə, deportasiya edilmiş ukraynalılar sənədlərindən məhrum edilirlər, onlardan həmçinin telefonları da toplanılır: “Onları Rusiya Federasiyasının müxtəlif regionlarına göndərirlər. Onların Ukraynaya qayıtmasına hər vəchlə əngəl yaradılır. Uşaqları valideynlərindən ayırır və onları qanunsuz övladlığa verilmək üçün Rusiyadakı ailələrə göndərmək istəyirlər.
“Rusiyanın zərbələrinin qurbanına çevrilmiş Ukrayna şəhərlərində artıq on minlərlə insan həlak olub. Yaşayış məntəqələrinə və mülki infrastruktura qarşı Rusiya ordusu bütün növ artilleriyadan, bütün növ raketlərdən, aviabombalardan, özəlliklə də fosfor bombalarından istifadə edir”, – deyə V.Zelenski bildirib.
