Qazaxıstan Respublikasının Prezidentinin sözlərinə görə, quldurlar və terrorçular yaxşı təlim keçmişdilər.
YALAN.info Onlayn Xəbərlər və İnformasiya Saytı bildirir ki, bununla bağlı cümə günü Qazaxıstan Prezidenti Kasım-Jomart Tokayev Twitter-də yazıb.
Terrorçular Almatıda altı dalğada hücuma keçib, onların toplam sayı 20 min nəfər idi. “Quldurlar və terrorçular yaxşı təlim keçmiş, təşkilatlanmış və xüsusi mərkəzdən idarə olunmuşdular. Onların bəziləri qazax dilini bilmirdilər”, – deyə prezident yazıb: “Almatıda ən azı altı terror aktı dalğası olub, toplamda 20 min nəfər.”
Prezident vurğulayıb ki, “durumun təhlili Qazaxıstanın xaricdə təlim keçmiş cinayətkarlar və terrorçu qruplar tərəfindən yaxşı hazırlanmış və koordinasiya edilmiş silahlı təcavüz aktı ilə üzləşdiyini göstərir”.
Tokayev izah edib ki, o, “milli təhlükəsizliyə təhlükəni aradan qaldırmaq, Qazaxıstan vətəndaşlarının həyat və əmlakını qorumaq üçün” əks-terror əməliyyatı keçirmək əmrini verib. “İndiki mərhələdə antiterror əməliyyatı davam edir. Polis tərəfindən genişmiqyaslı və yaxşı əlaqələndirilmiş iş aparılır. Milli Qvardiya və silahlı qüvvələr konstitusiyaya uyğun olaraq asayişi bərpa etməlidir”, – prezident bildirib.
Tokayev bildirib ki, Qazaxıstan hakimiyyəti ölkədəki iğtişaşlar fonunda diplomatik nümayəndəliklərin və xarici şirkətlərin təhlükəsizliyini təmin etməyə davam edəcək. “Qazaxıstan xarici diplomatik nümayəndəliklərin, eləcə də xarici şirkətlərin və investorların şəxsi heyətinin və əmlakının təhlükəsizliyini və mühafizəsini təmin etməyə davam edəcək”, o yazıb.
O, həmçinin bəyan edib ki, birbaşa xarici investisiyalar üçün açıq qapı siyasəti Qazaxıstanın əsas strategiyası olaraq qalacaq. Kollektiv Təhlükəsizlik Müqaviləsi Təşkilatına (KTMT) üzv ölkələrin sülhməramlı qüvvələri ölkədə durum sabitləşənə qədər qısa müddət ərzində Qazaxıstanda qalacaq.
