ABŞ Prezidenti Donald Tramp noyabrın 3-də keçiriləcək seçkilərdə yenidən seçiləcəyi təqdirdə, ölkənin xaricdəki “tamamilə ağılsız” müharibələrə qatılmayacağına və zor gücü ilə sülhə zəmanət verəcəyinə söz verib.
TASS agentliyi xəbər verir ki, bununla bağlı Tramp Şimali Karolina ştatında keçirilən təbliğat kampaniyası zamanı deyib:
“Şəhərlərimizi təhdid edən terrorçulara zərbə vuracağıq və ABŞ-ın xaricdə qəribə, tamamilə ağılsız müharibələrdə iştirak etməsinə yol verməyəcəyik”.
Dövlət başçısı bildirib ki, Amerika Birləşmiş Ştatlarının dünyada ən güclü hərbi silahları var:
“Əgər bu silahlar olmasa, çox ciddi problemlərimiz olar”.
