ABŞ-da prezident seçkilərinə Respublikaçılar partiyasından namizəd olan Donald Tramp bəyan edib ki, ABŞ-da əksər seçki məntəqələrində seçkilər saxtalaşdırılır. YALAN.info Online Xəbərlər və İnformasiya Saytı bildirir ki, bunu milliarder-namizəd öz şəxsi Twitter səhifəsində yazıb:

“Seçkilər dürüst olmayan və ədalətsiz KİV-lər tərəfindən pozulur, onları da Hillari Klinton dəstəkləyir. Eyni hal seçki məntəqələrində də baş verir. Bu üzücüdür”, – Trampın bəyanatında bildirilir.

Qeyd edək ki, daha öncə Tramp bəyan etmişdi ki, Amerika KİV-ləri prezident seçkiləri yaxınlaşdıqca onu seçicilərin gözündən salmaq üçün hər bir addımı atırlar.

NBC kanalının guya keçirdiyi sorğuya görə, seçicilərin 48% öz səslərini ABŞ-ın eks dövlət katibi – Demokratlar partiyasının namizədi Hilari Klintona veriblər. Milyarder Donald Trampı isə 37% seçici dəstəkləyib. Digər namizədlərdən Hari Conson 7%, Gil Stayn 2% səs toplayıblar. Sorğu 10-13 oktyabr tarixlərində aparılıb. Sorğuya toplam 1000 respondent qoşulub.

BİR CAVAB YAZ

Buyurun, açıqlamanızı yazın!
Buyurun, adınızı bura yazın