Futbol üzrə Azərbaycan Misli Premyer Liqasında XVIII turu və mövsümün ilk yarısının oyunları başa çatıb.
YALAN.info bildirir ki, ilin sonuncu oyununda “Zirə”nin qonağı olan “Qarabağ” FK 1-0 hesablı nəticəyə sevinən tərəf olub.
Qarşılaşmada yeganə qolu 30-cu dəqiqədə Toral Bayramovun ötürməsi ilə Ağdam təmsilçisinin braziliyalı hücumçusu Olavio Juninyo vurub.
Bu nəticədən sonra xallarının sayını 41-ə çatdıran “köhlən atlar” liderliyini gücləndirib. “Qartallar” 29 xalla ikinci sıradadır.
Onu da bildirək ki, turun öncəki oyunlarında “Qəbələ” “Sabah”ı, “Sumqayıt” “Səbail”i 1:0 hesabı ilə üstələyib. “Turan Tovuz” “Araz-Naxçıvan”ı (3:1), “Neftçi” isə “Kəpəz”i (2:0) məğlub edib.
Azərbaycan Premyer Liqası: Turnir Cədvəli
Bombardirlər:
- Olavio Juninyo (Qarabağ) – 13 qol
- Aleksandr Ramalinqom (Səbail) – 7 qol
- Yassin Benzia (Qarabağ) – 6 qol
- Hamidu Keyta (Qarabağ) – 6 qol
- Leandro Andrade (Qarabağ) – 6 qol
- Otto Con (Turan Tovuz) – 6 qol
