“Azərbaycana qarşı mina təhlükələrinin aradan qaldırılması beynəlxalq prioritet olmalıdır!”
YALAN.info bildirir ki, bunu Azərbaycan Respublikası Xarici İşlər Nazirliyi “X” hesabında paylaşımında bildirib.
“Ermənistanın yerləşdirdiyi minanın daha bir qurbanı. 2020-ci il müharibəsinin (Vətən Müharibəsi – Red.)) bitməsindən indiyədək qurbanların toplam sayı 341 nəfərə çatıb, onlardan 65-i həlak olub (50-si mülki şəxs, 15-i hərbçi). Azərbaycana qarşı mina təhlükələrinin aradan qaldırılması beynəlxalq prioritet olmalıdır!”, – paylaşımda deyilir.
Onu da bildirək ki, bugün Ağdam rayonunun işğaldan azad edilmiş Sarıcalı kəndi ərazisində Azərbaycan Respublikası Minatəmizləmə Agentliyinin (ANAMA) əməkdaşı 1982-ci il təvəllüdlü Zaur Eldar oğlu Mahmudov mina partlaması nəticəsində xəsarət alıb. İlkin məlumata görə, ANAMA əməkdaşının sol ayağının daban nahiyəsində problem var. Ümumilikdə isə huşu yerindədir və yaxınları ilə danışır.