Jan-Fransua Mansel: 8 Mayda Şuşanın İşğalının İldönümünü Unutmayaq

Şuşanın işğalının ildönümü ərəfəsində Azərbaycanın Dostları Assosiasiyası Parisdə bir sıra toplantılar keçrir.

YALAN.info Online Xəbərlər və İnformasiya Saytı Reporta qaynaqlanaraq xəbər verir ki, bu toplantılar çərçivəsində Assosiasiyanın prezidenti, Fransa Nümayəndələr Palatasının deputatı Jan-Fransua Manselin Şuşanın işğalı ilə bağlı məqaləsi də Fransanın aparıcı mətbuat orqanı olan “Mond” qəzetində dərc olunub.

Həmin məqalənin tərcüməsini oxucularımızın diqqətinə çatdırırıq:

“Əgər 1945-ci ilin 8 mayı bizim yaddaşlarımızda Müttəfiqlərin qalib gəldiyi nasist Almaniyasının təslim olduğu gün kimi qalıbsa, 1992-ci ilin 8 mayı azərbaycanlı yoldaşlarımızın yaddaşında erməni ordusunun ələ keçirdiyi Şuşanın işğalı günü kimi qalıb.

Şuşa Azərbaycan musiqisinin beşiyi olub. Məhz, bu şəhərdə Azərbaycan xalqının emosiyalarını qədimlərdən bu günə qədər daşıyan muğam ilə bağlı Azərbaycan mədəniyyətinin ən gözəl səhifələri yazılıb. Qafqaza səfəri zamanı Aleksandr Düma o dövrün ən lirik şairlərindən biri olmuş Qarabağ xanının qızı Xurşudbanu Natavan ilə elə Şuşada görüşüb.

Şuşa şəhəri 1992-ci ildə erməni ordusu tərəfindən işğal olunana qədər bütün tarix boyu Azərbaycan mədəniyyətinin döyünən ürəyi olub.

Onun təslim olması ilə Azərbaycan Dağlıq Qarabağının işğalı başa çatır: Şuşanın işğalı zamanı 480 nəfər öldürülmüş, 600 nəfər yaralanmış, 552 uşaq ana-atasını itirmişdir. Məktəblər, tarixi, mədəni və dini abidələr dağıdılmışdır; Azərbaycan mədəni irsinin Şuşanın tarixi ilə bağlı olan bütün elementləri yoxa çıxmışdır. Dağıdıcı erməni işğalı yüzillərdən bəri Şuşada yaşamış azərbaycanlı ailələrini istisnasız olaraq öz yurd-yuvasından qovmuş və işğalçı ermənilər onların evlərinə yerləşdirilmişlər. Odur ki, bu gün məhz bunun hesabına süni şəkildə özmüqəddəratını həlletmə tələb olunur. O vaxtdan bəri Şuşanın intellekt və sənətkarlıq zənginliyi yalnız xəyallarda canlandırılır.

Biz Fransada bu gün zülmdən azad olmağımızın 72-ci ildönümünü qeyd edəndə azərbaycanlı dostlarımızı və 25 ildir ki, azadlığını və müstəqilliyini itirmiş Şuşanı yada salırıq. Ancaq bu həmişəlik belə qalmayacaq.

Arzu edək ki, respublikanın yeni prezidenti tezliklə aktiv bir şəkildə Minsk qrupunun həmsədri vəsifəsini üzərinə götürsün, Azərbaycan və Ermənistan arasında barışa, işğal olunmuş torpaqların azad olunmasına və qaçqınların hüquqlarının bərpasına söykənən ədalətli və davamlı bir sülhə nail ola bilsin”.

Buna Oxşar Xəbərlərdən:

YALAN.info

YALAN.info Online Xəbərlər və İnformasiya Saytı Azərbaycan, eləcə də Bütün Dünyanın Siyasi, İqtisadi, İdman, Mədəniyyət və Texnologiya Yeniliklərini Yayımlayır. Hər Zaman Ən Son Yalanlardan YALAN.info-da Xəbərdar Ol!

Bu xəbəri də oxuyun

Jan-Fransua Mansel: 8 Mayda Şuşanın İşğalının İldönümünü Unutmayaq” üçün bir açıqlama

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir