Belçika paytaxtı Brüsseldə “Böyük yeddilik” (G7) ölkələri (Böyük Britaniya, Almaniya, İtaliya, Kanada, ABŞ, Fransa, Yaponiya) liderlərinin toplantısı keçirilib.
YALAN.info bildirir ki, toplantıda ABŞ Prezidenti Co Bayden, Böyük Britaniyanın Baş naziri Boris Conson, Fransa Prezidenti Emmanuel Makron, Almaniya kansleri Olaf Şolts, İtaliya Baş naziri Mario Draqi, Kanada Baş naziri Castin Trüdo, Yaponiya Baş naziri Kişido Fumio, Avropa Komissiyasının Prezidenti Ursula von der Leyen, Avropa Birliyi Şurasının Prezidenti Şarl Mişel və NATO Baş katibi Yens Stoltenberq iştirak edib.
Toplantıda əsas müzakirə mövzusu Ukraynadakı müharibə olub. Ölkə prezidenti Volodimir Zelenski də görüşə onlayn qatılıb. O, G7 ölkələrini Rusiyaya qarşı sanksiyaları gücləndirməyə və Ukrayna üçün təhlükəsizlik təminatları yaratmağa çağırıb.
Dövlət başçısı “Böyük Yeddilik” ölkələrindən Rusiyanın qlobal naviqasiya sistemindən (GPS) ayrılmasını, həmçinin bütün banklarının dünya maliyyə sistemindən təcrid edilməsini istəyib.
