Rusiya Federasiyası və Belarus Respublikasının diplomatları və hökumət üzvlərinin Avropa Parlamentinin Brüssel və Strasburq şəhərində yerləşən binalarına girişi qadağan edilib.
YALAN.info Onlayn Xəbərlər və İnformasiya Saytı bildirir ki, bu açıqlama ilə Avropa Parlamentinin yeni sədri Roberta Metsola çıxış edib.
Metsola yazıb: “Bu gündən etibarən Rusiya və Belarusun diplomatik və hökumət işçilərinə Avropa Parlamentinin binasına girişi qadağan edilib. Demokratiya Evində demokratik nizamı məhv etməyə çalışanlara yer yoxdur”.
Yada salaq ki, Avropa Şurasının Nazirlər Komitəsi martın 16-da Rusiyanı Avropa Şurasından çıxarmaq barədə qərar qəbul edib.
