“Artıq PYD/YPG-nin PKK-nın bir qolu olan terror təşkilataları olmasını reallığını qəbul etməsi lazımdır. Bu illər öncədən bizə məlum idi. Bu təşkilatların terror təşkilatı olduğunu qəbul etmək üçün mütləq PKK- PYD-nin bombalarının Ankaranı yox, başqa bir paytaxtı partlatmağı lazımdır? Belə vicdansızlıq, duyğusuzluq olar?”. ANS PRESS-in məlumatına görə, bunu Türkiyə prezidenti Rəcəb Tayyib Ərdoğan deyib.

Prezident artıq bu komediyaya son verilməli olduğunu deyib

“Mən PKK ilə birlikdə hərəkət edirəm deyən bir təşkilata “yox sənin PKK ilə əlaqən yoxdur” demək bizim və bütün dünyanaın ağlını lağa qoymaq deməkdir. Bizi isə heç kimin araya qoymağa ixtiyarı yoxdur”.

Onun sözlərinə görə, Türkiyə güclü bir ölkədir və ona quyu qazanı həmin quyuya basdıraraq, imza atanı o imzanın utancına qərq edərək, kəm söz deyəni bu sözün ağırlığı altında əzərək Allahın icazəsi ilə hər şeyin öhdəsindən gələcək.

Türkiyənin 12-ci prezidenti Ərdoğan deyib ki, ölkəsi ötən ilin iyul ayından bu günə kimi 300-dən çox təhlükəsizlik qüvvəsi əməkdaşının şəhid olması ilə nəticələnən, dünyada yaxın tarixdə bənzəri görünməyən bir terror hücumu ilə qarşı-qarşıyadır. “Şanlıurfada, Diyarbakırda, Ankarada, İstanbulda canlı bomba hücumlarında 200-dən çox vətəndaşımızı itirmişik.

Kürdlər ölkəmdə mənim vətəndaşım, qardaşımdır. Bizim kürd qardaşlarımızla heç bir problemimiz yoxdur. Problem terrorçularladır. Maşını ilə onlara silah daşıyan, onlara canlı qalxan olan, evini terrorçulara açan, onların hər aksiyasında qabaq sırada yer alan millət vəkilləri isə deputat yox, terroristin özüdür”. O, dünyanın heç bir yerində kamikadzeyə dəstək çıxan siyasətçinin olmadığını deyib.
Öncəki xəbərXocalı Soyqırımını törədən Sarkisyan, Köçəryan və Ohanyanlar
Sonrakı xəbərAzərbaycan Gürcüstana əlavə 500 mln. kubmetr qazın nəqlini təmin edib
YALAN.info Online Xəbərlər və İnformasiya Saytı Azərbaycan, eləcə də Bütün Dünyanın Siyasi, İqtisadi, İdman, Mədəniyyət və Texnologiya Yeniliklərini Yayımlayır. Hər Zaman Ən Son Yalanlardan YALAN.info-da Xəbərdar Ol!

BİR CAVAB YAZ

Buyurun, açıqlamanızı yazın!
Buyurun, adınızı bura yazın