Politloq: Türkiyə Rusiyanın sülhməramlı adı altında gizli planlarının olduğunu anlayır

“Sülhməramlıların statusu vacib məsələdir. Bu boşluqdan istifadə edən Moskva özbaşınalıqlar edir”

“Əminliklə deyə bilərəm ki, Türkiyə Rusiyanı Azərbaycanda neytrallaşdırmağın yolunu bilir və bunun üzərində işləyir”

Türkiyənin xarici işlər naziri Mövlud Çavuşoğlu Qarabağdakı Rusiya sülhməramlılarının statusu ilə bağlı anlaşmanın imzalanmalı olduğunu bildirib. Nazir deyib ki, sülhməramlı qüvvələrin statusuna dair anlaşma imzalanması üçün Rusiyanı təşviq edirlər. O bildirib ki, əsas məsələ rusların Laçın dəhlizindən hərəkətə icazə vermək roludur. Buna görə Azərbaycandan icazə alınmalıdır: “Qarabağ Azərbaycan torpağıdır. Azərbaycandan icazəsiz hərəkət edilməməlidir. Siz, sülhməramlı olaraq varsınız, kimlərin bölgəyə gedib-gələcəyi məsələsində qərar verməyin məsuliyyəti sizdə deyil”.

Ötən gün prezident Rəcəb Tayyib Ərdoğan da gələcəkdə Qarabağda sülhməramlıların varlığı və iştirakı olmadan proseslərə hazırlaşmağın gərəkli olduğunu bəyan etmişdi. Politloq Azər Qasımov “Sherg.az”a bildirib ki, Türkiyə Rusiyanın “sülhməramlı” adı altında hansı siyasəti həyata keçirdiyini, gizli planlarının olduğunu yaxşı anlayır. 

Ekspertin sözlərinə görə, Rusiya doğurdan da sülhməramlı missiya adı altında Qarabağda Azərbaycanın suverenliyini şübhə altına alan fəaliyyətlərlə məşğuldur: 

“Sülhməramlıların statusu vacib məsələdir. Bu boşluqdan istifadə edən Moskva özbaşınalıqlar edir. Bu məsələnin Türkiyə tərəfindən gündəmə gətirilməsi bizim üçün çox vacibdir. Zamanla elə bir siyasi vəziyyət yaranacaq ki, Rusiya Türkiyənin regiondan çıxması üçün özü də burdan çıxmağa razı olacaq. Türkiyə bunun üçün nə lazımdırsa edəcək.

Ərdoğanın Putinə “sülhməramlıların lazım olmayacağı dövrün gələcəyini” eşitdirməsi buna sübutdur. Türkiyə prosesləri Rusiya ilə bərabər səviyyədə masaya çıxarır. Ankara heç vaxt Rusiya “böyük dövlətdir”, “onunla hesablaşmaq lazımdır” kontekstindən çıxış etmir. Doğru hesab etdiyi yoldan geri çəkilmir.

Təbii ki, bu, kor-koranə istəyinə nail olmaq, “heç kimlə hesablaşmamaq” anlamına gəlmir. Siyasətdə harada durmağı bilən tərəf qazanır. Türkiyənin “dərin dövlət” ağlı, strateji planlama və oyun qurmaq qabiliyyətinə arxayın olmalıyıq.

Əminliklə deyə bilərəm ki, Türkiyə Rusiyanı Azərbaycanda neytrallaşdırmağın yolunu bilir və bunun üzərində işləyir. Yetər ki, biz rus xofundan azad olaq. Türkiyə regiona yerləşdikcə bizim maraqlarımızı daha uğurla qoruyacaq. Bundan xəbərimiz olmaya bilər, əsas odur ki, bizim Türkiyəyə inamımız tam olsun”.

YALAN.info

YALAN.info Online Xəbərlər və İnformasiya Saytı Azərbaycan, eləcə də Bütün Dünyanın Siyasi, İqtisadi, İdman, Mədəniyyət və Texnologiya Yeniliklərini Yayımlayır. Hər Zaman Ən Son Yalanlardan YALAN.info-da Xəbərdar Ol!

Bu Xəbərləri də Bəyənəcəksiniz

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir