N.Paşinyan eks-prezidentin təklifinə cavab verdi: Mən qaçan deyiləm

Ermənistan Respublikasının Baş naziri Nikol Paşinyan digər siyasətçilərin bəyanatlarına baxmayaraq, ölkədən qaçmaq niyyətində olmadığını bildirib.

YALAN.info Onlayn Xəbərlər və İnformasiya Saytı APA-ya istinadən bildirir ki, N.Paşinyan bunu Aştarak vilayətində sakinlərlə görüşdə Ermənistanın ilk Prezidenti Levon Ter-Petrosyanın bəyanatını şərh edərkən deyib.

Qeyd edək ki, L.Ter-Petrosyan bildirmişdi ki, yeganə çıxış yolu N.Paşiyanın təcili Baş nazir postundan istefa verməsi, müvəqqəti xaricdə sığınacaq tapması üçün N.Paşinyana toxunulmamazlıq qarantiyası verilməlidir.

N.Paşinyan isə deyib ki, L.Ter-Petrosyan karyerası boyunca iki dəfə “qaçmağın gözəl nümunəsi”ni sərgiləyib: “Məgər mən qaçan insana bənzəyirəm? Əgər xalq qərar versə ki, məni güllələməlidir, mən divarın qarşısında duraram. Heç kim düşünməsin ki, mən xalqın qəbul etdiyi qərardan qaçacam”.

N.Paşinyan hesab edir ki, ölkədə qan tökülməsini istəyən şəxslər və qüvvələr var: “Onlar istəyirlər ki, İrəvanın, Aştarakın küçələrində qan axsın. Bu insanlar 27 oktyabrda, 1 martda törətdikləri onlarla siyasi qətldən, qandan doymayıblar. Bu insanlar Ermənistanda yenidən qan axmasını istəyirlər. Hakimiyyət Qarabağda müharibən sonra 5 ay ərzində aqressiv hücumlara məruz qalıb. Bu müddət ərzində həm hakimiyyət, həm də xalqın başlığa nailiyyəti vətəndaş qarşıdurmasından yayınmağı bacarması olub. Ölkədə hər gün aqressiyanın artmasına, qan tökülməsinə çalışan, seçkiləri istəməyən qüvvələr var. Mən onların bizim hakimimiz olmasına imkan vermirəm. Hakim xalq olmalıdır”.

Baş naziri hüquq-mühafizə orqanlarının qətllər törədilməsi və hakimiyyət çevrilişi şüarları ilə çıxış edənlərlə bağlı vəsatətlərini təmin etməyən məhkəmələrdən də narazılığını bildirib: “Nə üçün Ermənistanda indiyə qədər belə hakimlər qalıb? İnqilabın əsasında xristian dəyərləri vardı. Ümid edirdik ki, insanlar dəyişəcək, ancaq çoxları hüquqi, mənəvi və siyasi sərhədləri keçdi”.

YALAN.info

YALAN.info Online Xəbərlər və İnformasiya Saytı Azərbaycan, eləcə də Bütün Dünyanın Siyasi, İqtisadi, İdman, Mədəniyyət və Texnologiya Yeniliklərini Yayımlayır. Hər Zaman Ən Son Yalanlardan YALAN.info-da Xəbərdar Ol!

Bu Xəbərləri də Bəyənəcəksiniz

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir